Balak Bisaya: Paila-ila

Paila-ila diria, paila-ila didto,
Tupo diria, tupo didto,
Pameet-up diria, pameet-up didto,
Kulang nalang ipanghatag sa masugatan nga tawo.

Lisod ning trenta na, pero single pa,
Kay sa kaamigohan ipanghatag nalang ka,
Mamaaot or maangkan hala ipareto ka,
Maanyag mana or may apan apan pa,
Basta ila tumong ang mahalin ug maminyo ka.

Unsa man ang problema kung nagpabiling single ka,
Kung ikaw malipayon ug nagtagbaw pa,
Samtang sila nakagaid ug nagkalisod na,
Kay bata pa nikundat ug nagpabugkos na.

Sa kaminyuong dinalian, nga wala tugkara,
Kun unsa ang kalisod niini nga dala,
Mao siguro mangangin pa sila,
Pero naa ra nimu kung ikaw magpahagit,
Para matagamtaman ang ilang natilawang kasakit.